КОНКУРС! КОНКУРС! КОНКУРС!

02.07.2025

Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясы кызматташууга чакырат!
Мамлекеттик башкаруу системасын өнүктүрүүгө олуттуу салым кошууга даяр, өлкөнүн алдыңкы билим берүү мекемесинде карьералык өсүүнү көздөгөн кесипкөйлөрдү АГУПКР кызматташууга чакырат жана төмөнкү бош кызмат орундарына конкурс жарыялайт:

1. Кадрлар бөлүмүнүн башкы адиси (КБ)
Милдеттери: Персонал менен иштөөнүн толук циклин камтыйт, анын ичинде кызматкерлерди тартуу, каттоо, кадрдык иш кагаздарын жүргүзүү жана иш убактысын эсепке алуу. Профессордук-окутуучулук курам (ПОК) менен иштөөгө өзгөчө көңүл бурулат: каттоо, эсепке алуу, аттестациялоо, ошондой эле алардын кесиптик өнүгүүсүнө колдоо көрсөтүү.

Кеңейтилген милдеттери: Кадрлар бөлүмүнүн ишин уюштуруу, кызматкерлердин ишин көзөмөлдөө. Бөлүмдүн ишин уюштурууга жана кызматкерлердин кызматтык нускамаларына байланыштуу документтердин долбоорлорун иштеп чыгуу. Жылдык иш пландарын жана отчётторду даярдоо. Жергиликтүү ченемдик документтерди иштеп чыгууга катышуу. Маалыматтык системалардагы («Е-Кызмат», ИСУО, «Е-Билим») ишти координациялоо. Учурдагы иш кагаздарын сактоону жана өткөрүп берүүнү камсыздоо. Эмгек тартибин жана кызматтык маалыматтардын купуялуулугун сактоо.

Талапкерге коюлуучу талаптар: «Кадрларды башкаруу», «Юриспруденция», «Менеджмент» же башка тийиштүү тармактарда жогорку билим. Кадрлар тармагында (билим берүү системасында болсо артыкчылык берилет) кеминде 5 жылдык иш тажрыйбасы. Кыргыз Республикасынын эмгек мыйзамдарын терең билүү. Компьютерди жана атайын кадрдык программаларды эркин колдоно билүү.

2. Регламент, протокол жана тышкы байланыштар бөлүмүнүн жетектөөчү адиси (англис тилин билүү менен)
Милдеттери: Ички регламенттерди иштеп чыгуу жана алардын сакталышын көзөмөлдөө аркылуу иштин тартибин жана стандарттарын камсыздоо. Расмий иш-чараларды уюштуруу жана өткөрүү. Тышкы өнөктөштөр жана мамлекеттик органдар менен натыйжалуу мамилелерди өнүктүрүү жана колдоо. Англис тилин  В2 билүү милдеттүү.

Кеңейтилген милдеттери: Билим берүү жана илим тармагындагы тенденциялар жөнүндө маалыматтарды топтоо жана талдоо, тиешелүү аналитикалык материалдарды даярдоо. Эл аралык кызматташтык долбоорлорун түзүүгө жана ишке ашырууга катышуу. Чет элдик жана эл аралык уюмдар, анын ичинде алардын Кыргыз Республикасындагы өкүлчүлүктөрү, ошондой эле КМШ жана алыскы чет өлкөлөрдүн уюмдары менен активдүү иштөө. Кызматкерлерге жана студенттерге Регламент, протокол жана тышкы байланыштар бөлүмүнүн компетенциясына кирген маселелер боюнча кеңеш берүү жана маалыматтык колдоо көрсөтүү. Жетекчиликтин тапшырмаларын өз убагында аткаруу жана отчёттук документтерди даярдоо.

Талапкерге коюлуучу талаптар: Эл аралык мамилелер, лингвистика, юриспруденция же мамлекеттик башкаруу тармагында жогорку билим. Англис тилин эркин билүү (Advanced, В2 деңгээлинен төмөн эмес). Протокол, эл аралык байланыштар же административдик иш тармагында кеминде 3-5 жылдык иш тажрыйбасы. Мыкты коммуникациялык, уюштуруучулук көндүмдөр жана майда нерселерге көңүл буруу.

3. Маалыматтык технологиялар жана материалдык камсыздоо бөлүмүнүн башчысы
Милдеттери: Академиянын ишинин эки негизги багытын жетектөө: бардык IT-инфраструктураны башкаруу (компьютердик тармактарды, программалык камсыздоону, киберкоопсуздукту камтыган) жана үзгүлтүксүз материалдык камсыздоону (кеңсе жабдууларынан баштап чыгымдалуучу материалдарга чейин) камсыздоо.

Кеңейтилген милдеттери: Компьютердик жабдууларга техникалык тейлөө жана колдоо көрсөтүүнү уюштуруу. Компьютердик класстардагы жумушчу станцияларды, принтерлерди, сканерлерди жана башка IT-жабдууларды орнотуу, жөндөө жана жаңыртуу. Операциялык системалардын жана программалык камсыздоонун ишиндеги көйгөйлөрдү чечүү. IT-жабдууларды модернизациялоо. Компьютерлерди жана оргтехниканы кампалык эсепке алуу. Колдонуучулардын IT-маселелери боюнча суроо-талаптарын иштеп чыгуу. Маалыматтардын, документтердин жана материалдык баалуулуктардын сакталышын камсыздоо. Иш пландарын аткаруунун жыйынтыгы боюнча отчётторду даярдоо.

Талапкерге коюлуучу талаптар: Жогорку техникалык билим (IT, инженерия тармагында) же логистика/жеткирүү чөйрөсүндө билим. IT же материалдык-техникалык камсыздоо тармагында жетектөөчү кызматтарда кеминде 3-5 жылдык иш тажрыйбасы. Тармак технологиялары, программалык камсыздоо, маалыматтык коопсуздук жаатында терең билим же жеткирүү чынжырчаларын жана сатып алууларды башкаруу тажрыйбасы. Тармак инфраструктурасы жана тармакты башкаруу жаатында билим жана тажрыйба милдеттүү.